Тергов Грузиянинг биринчи президенти Звиад Гамсахурдиа ўлими билан боғлиқ ишни «ўз жонига қасд қилиш»дан «қотиллик» моддасига алмаштирди. Бу ҳақда Грузия Бош прокуратурасидаги манбаларига таяниб, мамлакатнинг айрим ОАВлари ёритганини «Интерфакс» маълум қилди, дея хабар бермоқда «Ведомости» нашри.
Прокуратура бир неча ойдан бери текширув ўтказмоқда. Ушбу текширув доирасида тергов ҳаракатлари олиб борилган, дунёнинг бир неча мамлакатларига сўров жўнатилган, сўроқлар ўтказилган, президент ўлими тафсилотлари ўрганилиб, Гамсахурдиа ҳалок бўлган жой кўздан кечирилган. Президентнинг ўғли Константин Гамсахурдиа ўзи ва қариндошлари прокуратура вакиллари билан кўришгани, улар 1994 йилда бошланган тергов ҳаракатлари умуман қониқарсиз ўтказилганини маълум қилгани ҳақида хабар берди.
Эслатиб ўтамиз, Грузиянинг биринчи президенти 1993 йил декабрида ҳаётдан кўз юмган. 1994 йил февралида бу фожиа юзасидан жиноий иш очилган. Расмий тергов ўшанда Гамсахурдиа жонига қасд қилгани ҳақида баёнот берган, аммо унинг тарафдорлари бу тахминга ишонмади.
Изоҳ (0)