Филиппинда муссон жаласи оқибатида Паниан конидаги кўмир карьерининг деворлари ўпирилиб тушди ва уч киши ҳалок бўлди. Бу ҳақда Reuters маълум қилмоқда.
Яна олти киши дом-дараксиз йўқолган. Қутқарувчилар тахминига кўра, улар девор қолдиқлари остида қолиб кетган бўлиши мумкин. Ҳодиса рўй берган Антике провинциясининг Семирара оролига оғир техника келтирилди.
Кон эгалари, Semirara Mining & Power Corp. компанияси вакиллари маълумотларига кўра, фавқулодда ҳолат 17 июль, жума куни тунги учларда рўй берган. Карьерда бу пайтда иш олиб борилмаган, аммо тўққиз киши сув узатиш тизими таъмири билан шуғулланаётган бўлган.
Изоҳ (0)