Xalqaro futbol federatsiyalari prezidenti Yozef Blatter FIFA kongressi undan qolishni so‘rasa ham iste’foga chiqishini aytib o‘tdi, deb xabar qiladi “TASS”.
Blatter 29-mayda o‘tkazilgan FIFA kongressida navbatdagi muddatga saylangandi, ammo oradan to‘rt kun o‘tib, korrupsion mojarolar tufayli o‘z lavozimidan ketishini ma’lum qildi. 20-iyul kuni FIFA ijroqo‘mining navbatdan tashqari yig‘ilishi o‘tkaziladi va unda tashkilot prezidenti saylanadigan sana e’lon qilinadi. Ungacha esa Blatter FIFA rahbari vazifasini bajarib turadi.
“Men saylovdan keyin o‘z lavozimimda qolmayman, — dedi 79 yoshli shveysariyalik. — Hattoki FIFA kongressi qolishimni so‘rasa ham men baribir iste’foga chiqaman”.
27-may kuni Syurixda korrupsiyaga aralashgani gumon qilingan FIFAning 7 nafar amaldori qo‘lga olingandi. Jami 14 kishiga nisbatan ayblovlar ilgari surilgan. AQSh yustitsiya vazirligi ma’lumotlariga ko‘ra, ular 24 yil davomida 150 million dollar miqdorida pora olgan.
Izoh (0)