ПФЛ интизом қўмитаси йиғилишида Олий лига доирасида кечган бир қатор учрашувларда ўзини тута олмаган футболчи ва мураббийларга нисбатан жазо чоралари қўлланилди. Бу ҳақда ПФЛ расмий сайтига таяниб, «Uff.uz» хабар қилмоқда.
«Динамо» ҳимоячиси Николай Чипев Олий лиганинг 13-тури доирасида «Насаф»га қарши кечган баҳсда ёрдамчи ҳакамни ҳақорат қилгани учун майдондан четлатилган эди. Чипев шунингдек, яна 3 та ўйинга четлатилиб, жаримага тортилган.
«Нефтчи» ПФК раиси Тоҳир Кападзе Олий лиганинг 15-турида «Қизилқум»га қарши кечган учрашувда ўзини номуносиб тутгани учун икки ўйинга четлатилди, огоҳлантирилди ва жаримага тортилди.
«Нефтчи» ярим ҳимоячиси Мансур Саидов Олий лиганинг 15-турида «Қизилқум»га қарши кечган баҳсда захирадаги ҳакамга нисбатан ҳақоратли сўзлар ишлатгани учун захира ўриндиғидан четлатилган эди. Футболчи учта ўйинга четлатилди ва жаримага тортилди.
«Пахтакор» Олий лиганинг 2-тури доирасидаги қолдирилган учрашувда «Қўқон-1912»га қарши майдонга тушди ва тошкентликлар бош мураббийи Самвел Бабаян ҳакамга нисбатан ҳақоратли сўзлар ишлатгани учун жаримага тортилди ва огоҳлантирилди.
Изоҳ (0)