Ekologlarning ogohlantirishicha, 10 yildan so‘ng oq ayiqlar butunlay qirilib ketishi mumkin. “Korrespondent.net”ning AQSh baliq resurslari va yovvoyi tabiat xizmatiga asoslanib xabar berishicha, oq ayiqlar populyatsiyasining kamayishiga rekord darajada ko‘p issiqxona gazi ajralib chiqayotgani sabab bo‘lmoqda.
AQSh Geologiya xizmati huzuridagi Yovvoyi tabiatni o‘rganish markazining 20ga yaqin ekologlari so‘nggi 20 yil davomida oq ayiqlarning soni va Arktikadagi iqlim o‘zgarishi jarayonlarini kuzatib bordi.
Tadqiqot davomida ular voqealarning ikki xil rivojini ko‘rib chiqdi. Birinchi holatda issiqxona gazining ajralib chiqishi darajasining joriy ko‘rsatkichlari saqlab qolindi, ikkinchi holatda esa gaz ajralib chiqishining ko‘rsatkichi Kioto protokoli doirasida belgilangan majburiyatlar darajasida pasaytirildi.
Ekologlarning ma’lumotlariga ko‘ra, har ikkala hisob-kitoblar ham keyingi yillarda qutbdagi oq ayiqlarning soni antropogen ta’sirlar yoki oziq-ovqatning yetmasligidan emas, balki iqlim o‘zgarishi va u bilan bog‘liq holda oq ayiqlar yashaydigan va yegulik topadigan muzliklar maydonini qisqarishi sabab kamayib ketadi.
Izoh (0)