WikiLeaks saytida AQSH Milliy xavfsizlik agentligi (MXA) Germaniya kansleri Angela Merkel ma’muriyati xodimlarini qanday kuzatib borgani haqidagi yangi ma’lumotlar paydo bo‘ldi. “RBC.ru”ning xabar berishicha, mazkur faoliyat bilan MXAning alohida bir bo‘linmasi shug‘ullangan.
Saytda e’lon qilingan hujjatlarda bo‘linma o‘z faoliyatini 2011-yilda boshlagani va telefon suhbatlarini eshitib borishga ixtisoslashgani haqida so‘z boradi.
Avvalroq nemis matbuoti WikiLeaks ma’lumotlariga asoslanib, MXA Germaniya hukumatining aksariyat a’zolari telefonlarini eshitib borgani haqida xabar bergandi. Taxminlarga ko‘ra, bu ishga Britaniya maxsus xizmati ham jalb etilgan.
WikiLeaks ma’lumotlariga ko‘ra, MXA nazorati ostida bo‘lgan kishilar ro‘yxatida jami 69 ta telefon raqamining egasi bor. Bular – Germaniya vazirlari va yuqori martabali amaldorlaridir.
Izoh (0)