Shimoliy koreyalik biokimyo bo‘yicha mutaxassis mamlakatida odamlar ustidan olib borilayotgan tajribalar to‘g‘risidagi ma’lumotlarni olib, bir oy avval Finlyandiyaga qochib ketgan. Bu haqda Janubiy Koreyaning Yonhap axborot agentligiga tayanib, “Gazeta.ru” xabar bermoqda.
Tadqiqotchi haqida uning 47 yoshda va familiyasi Li ekanligi, Chagando provinsiyasidagi Kang shahri mikrobiologiya markazida ishlaganligi ma’lum, xolos. Olim 6-iyunda mamlakatni tark etgan va Filippin orqali Finlyandiyaga uchib ketgan. U Shimoliy Koreyada odamlar ustida olib borilayotgan tajribalar haqidagi 15 Gbayt hajmdagi axborotni o‘zi bilan olib ketgan. Yonhap agentligi qochoq bir oy davomida Yevropa parlamenti oldida chiqish qilishi to‘g‘risida xabar bermoqda.
Izoh (0)