Olimlar 4 mlrd yil avval Yer bilan to‘qnashgan sayyora orbitasini hisoblab chiqdi

Vena universitetining Tomas Mayndlem boshchiligidagi bir guruh olimlari to‘rt milliard yil avval Yer bilan to‘qnashgan Teyya sayyorasi orbitasini hisoblab chiqdi. Farazlarga ko‘ra, ushbu to‘qnashuv natijasida Oy paydo bo‘lgan. Bu haqda Meduza xabar bermoqda.

Olimlar Teyya Quyosh tizimidagi to‘rtinchi sayyora bo‘lgan, degan to‘xtamga keldi. Oyning to‘qnashuv natijasida paydo bo‘lgani to‘g‘risidagi farazga ko‘ra, bu jarayon Quyosh tizimi shakllana boshlagandan so‘ng bir necha o‘n million yil o‘tgach yuz bergan. Yer va Teyya o‘rtasidagi to‘qnashuv natijasida hosil bo‘lgan hamda Yer orbitasiga sochilgan ikki sayyora ashyolaridan kelgusida Oy paydo bo‘lgan.