O‘zbekiston prezidenti farmoniga muvofiq, Davlat soliq qo‘mitasining Kalitlarni ro‘yxatga olish yagona markazi tomonidan elektron raqamli imzolar berilishi ko‘zda tutilgan, deb yozadi Axborot texnologiyalari va kommunikatsiyalarini rivojlantirish vazirligi matbuot xizmati.
Ushbu farmonning ijrosini ta’minlash yuzasidan Davlat soliq qo‘mitasi mamlakatda Elektron raqamli imzolar berish yagona markazini yaratish bo‘yicha hukumat qarori loyihasini ishlab chiqmoqda.
Qaror loyihasida ko‘zda tutilishicha, kelajakda davlat va xo‘jalik boshqaruvidagi organlar, joylardagi davlat hukumati va tijorat banklari tomonidan ko‘rsatiladigan barcha turdagi xizmatlardan erkin foydalanishni ta’minlovchi elektron raqamli imzoni berish Davlat soliq qo‘mitasining Yangi texnologiyalar ilmiy-axborot markazi — Elektron raqamli imzolarni ro‘yxatdan o‘tkazish markazi tomonidan amalga oshiriladi.
Izoh (0)