Ukrainaning Odessa viloyati gubernatori Mixail Saakashvili yaqin vaqt ichida Ukraina parlamentiga mamlakat huquqni muhofaza qilish tizimida islohotlar o‘tkazish to‘g‘risidagi qonun loyihasini kiritishga va’da berdi. Bu haqda Meduza xabar bermoqda.
“Huquqni muhofaza qilish organlarida ishlayotganlarning hammasini ishdan haydash kerak. Buni juda oddiy amalga oshirsa bo‘ladi, buning uchun bizga aniq yozilgan qonunlar kerak, bunda Radaning yordami kerak bo‘ladi. Erta-indin biz bu qonun loyihasini muhokamaga kiritamiz”, - dedi Saakashvili.
Shuningdek, Odessa gubernatori “bojxonani ham almashtirish” va u yerga “normal odamlarni” olib kelishga chaqirdi. Xususan, u Odessa bojxonasi boshlig‘i vazifasini bajaruvchi shaxs iste’fosiga erishishga harakat qilishini ma’lum qildi.
“Bu odamning bu yerda qiladigan ishi yo‘q – u Kiyevdagi klanlardan birining oddiy bir a’zosi va bu yerga pul oqimlarini tartibga solish uchun kelgan. Men va u bir joyda bo‘lishimiz mumkin emas”, - dedi Saakashvili.
Izoh (0)