Грецияда фуқаролар мамлакат дефолт ҳолатига тушишидан хавотирланиб, банкоматларни қуритмоқда, дея хабар беради «Эхо Москвы».
Банклар ёнида навбатлар кўпайиб кетди, кишилар дўст ва қариндошларига қўнғироқ қилиб, ҳисобларидан пулни тезроқ ечиб олишни маслаҳат бермоқда.
Журналистлар ҳисоб-китобига кўра, сўнгги икки ҳафтада греклар банклардан камида 4 миллиард евро пул олиб кетган.
Греция мудофаа вазири фуқаролар ташвишланмаслиги кераклигини маълум қилди. Унинг сўзларига кўра, саросимали миш-мишлар бўрттирилмоқда. Банклар ёпилмаслиги, банкоматларда пул бўлиши таъкидланмоқда.
Бу орада Греция мухолифати мамлакат ҳукуматини истеъфога чиқишга даъват этмоқда. Греция бош вазири Алексис Ципрас эса келаси якшанба куни мамлакатнинг халқаро кредиторлари талаблари асосида референдум ўтказиш режасини эълон қилди.
Маълумот ўрнида: Дефолт — қарз олувчининг қарз олиш ҳақидаги келишув шартларини бузиши, қарз мажбуриятлари бўйича тўловларни ва бошқа шартларни бажара олмаслиги.
Изоҳ (0)