Belgiya Tashqi ishlar vazirligi Tunisdagi hujum vaqtida yaralangan o‘z fuqarosi vafot etganini ma’lum qildi. Kommersant.ru’ning xabar berishicha, terakt qurbonlari soni 40 kishiga yetdi.
Eslatib o‘tamiz, 26-iyun kuni jahon bo‘ylab uchta shov-shuvli terakt yuz berdi. Fransiyada siqilgan gaz ishlab chiqarish zavodidagi portlash natijasida bir kishi halok bo‘ldi, yana bir necha kishi jiddiy jabrlandi. Ma’lum bo‘lishicha, avtomobil gaz ballonlari saqlanadiga omborga borib urilgan, korxonaga kirishda esa diniy shiorlar yozilgan bayroq va tanasidan judo qilingan bosh topilgan.
Tunisning Sus shahridagi sohilbo‘yi mehmonxonalariga terrorchilar hujum qildi. Hujum oqibatida 30 kishi halok bo‘lgan, yana o‘nlab odamlar tan jarohati olgandi.
Kuvaytdagi shia masjidida juma namozi vaqtida yuz bergan portlash oqibatida esa 25 kishi halok bo‘lgan, kamida 200 kishi tan jarohati oldi.
Izoh (0)