Billboard jurnali yarim yillikning eng yaxshi qo‘shiqlari o‘ntaligini e’lon qilib, 2015-yilning oraliq yakunlarini sarhisob etdi. Qo‘shiqlar janrlar bo‘yicha saralanmagan, shu sababli reytingda pop, elektro, kantri va rok uslubidagi kompozitsiyalar bor. Ro‘yxat nashr saytida e’lon qilingan.
Reyting mualliflarining fikricha, ro‘yxatdan o‘rin olgan qo‘shiqlar keyingi bir necha yil davomida o‘z mashhurligini saqlab qolish imkoniga ega. O‘nlikdan AQSh, Buyuk Britaniya, Kanada va Avstraliya ijrochilari o‘rin olgan.
Ekspertlar Rianna, Kanye Uest va ser Pol Makkartnining FourFiveSeconds nomi ostidagi hamkorlikdagi ishini alohida qayd etgan. Bundan tashqari, reytingdan Britaniyaning Florence + The Machine indi-guruhi yangi albomidagi Ship To Wreck kompozitsiyasi ham o‘rin olgan. Jurnalning qayd etishicha, guruh solisti Florens Uelch pop-xonanda sifatida o‘smoqda, trekda esa hamma narsa – vokal texnika ham, naqoratlar ham e’tiborga loyiq.
Ro‘yxatdan amerikalik yosh kantri-xonanda Keysi Masgreyvs ham o‘rin olgan – uning debyut albomi “Gremmi” mukofotiga loyiq ko‘rilgandi. Uning bu yil taqdim etilgan Biscuits singli ancha ommalashdi. Bundan tashqari, reytingga reper Fetty Wap, Skrillex & Diplo DJ-dueti, Years & Years elektro-triosi, Tame Impala rok-guruhi, The Weeknd R&B-xonandasi Jamie xx guruhlari kiritilgan.
Billboard’ning chart va reytinglari – musiqa olamidagi eng nufuzli reytinglar sanaladi.
Izoh (0)