2015-yilning 18-iyun kuni O‘zbekiston Respublikasi tashqi ishlar Vaziri Abdulaziz Kamilov Turkiya Respublikasining Toshkent shahridagi Elchixonasiga tashrif buyurdi, deya xabar bermoqda Vazirlik rasmiy sayti.
TIV rahbari Turkiyaning sobiq Prezidenti va Bosh vaziri Sulaymon Demirelning vafoti munosabati bilan ta’ziya bildirdi va Hamdardlik kitobiga qayd kiritdi.
Elchi Namik Guner Erpul Prezident I.A.Karimovning Turkiya Prezidenti Rajab Tayyib Erdo‘g‘an nomiga yo‘llagan maktubidagi dalda va hamdardlik so‘zlari uchun o‘zining samimiy minnatdorchiligini izhor etdi.
Eslatib o‘tamiz, Turkiya sobiq prezidenti va bosh vaziri Sulaymon Demirel 17-iyun, chorshanba kuni 90 yoshida Anqaradagi kasalxonalardan birida vafot etdi. Shu munosabat bilan mamlakatda uch kunlik motam e’lon qilindi.
Izoh (0)