2015 йилнинг 18 июнь куни Ўзбекистон Республикаси ташқи ишлар Вазири Абдулазиз Камилов Туркия Республикасининг Тошкент шаҳридаги Элчихонасига ташриф буюрди, дея хабар бермоқда Вазирлик расмий сайти.
ТИВ раҳбари Туркиянинг собиқ Президенти ва Бош вазири Сулаймон Демирелнинг вафоти муносабати билан таъзия билдирди ва Ҳамдардлик китобига қайд киритди.
Элчи Намик Гунер Эрпул Президент И.А.Каримовнинг Туркия Президенти Ражаб Таййиб Эрдўған номига йўллаган мактубидаги далда ва ҳамдардлик сўзлари учун ўзининг самимий миннатдорчилигини изҳор этди.
Эслатиб ўтамиз, Туркия собиқ президенти ва бош вазири Сулаймон Демирель 17 июнь, чоршанба куни 90 ёшида Анқарадаги касалхоналардан бирида вафот этди. Шу муносабат билан мамлакатда уч кунлик мотам эълон қилинди.
Изоҳ (0)