2015-yilning 18-iyun kuni O‘zbekiston Respublikasi Tashqi ishlar vazirligida Fransiya senatori, “Fransiya – Markaziy Osiyo” Do‘stlik guruhi a’zosi Joel Garrio-Meylam bilan uchrashuv bo‘lib o‘tdi. Bu haqda Vazirlik matbuot xizmati xabar bermoqda.
Suhbat chog‘ida ikki tomonlama munosabatlarning dolzarb masalalari, avvalambor O‘zbekiston va Fransiya parlamentlari o‘rtasidagi hamkorlikni rivojlantirish istiqbollari muhokama qilindi.
Muloqot davomida Joel Garrio-Meylam Fransiya Senatida “Fransiya – Markaziy Osiyo” Do‘stlik guruhi faoliyati to‘g‘risida ma’lumot berdi hamda O‘zbekiston Respublikasi Oliy Majlisining Senatida, qator tadqiqot muassasalarida bo‘lib o‘tgan uchrashuv va muzokaralardan olgan taassurotlarini so‘zlab berdi.
Uchrashuvda Fransiya Elchisi Jak-Anri Els ishtirok etdi.
Izoh (0)