Нью-Йорк штати Клинтон округидаги қамоқхонадан икки қотилнинг қочиши билан боғлиқ жиноят иши бўйича қамоқхонанинг 51 ёшли вакиласи Жойс Митчелл тергов қилинмоқда. Бу ҳақда Meduza.io хабар бермоқда.
Тасдиқланмаган маълумотларга кўра, у маҳбусларга мобил телефон ва электр ускуналар етказиб берганини тан олган – маҳбуслар айнан шу воситалар ёрдамида камерадан қочиб чиқишган.
Тахминларга кўра, Митчелл қочоқларни қамоқхона ташқарисида машинада кутиб олиши керак бўлган, бироқ охирида бу фикридан қайтган.
Митчелл қамоқхона ҳудудидаги тикувчилик устахонасида тикувчилик билан шуғулланган. NBC News’нинг хабар беришича, у қочоқларнинг бири билан яқин муносабатда бўлган. «Аёл буни муҳаббат деб ўйлаган», - дейди телеканал манбаси.
Митчеллга қарши бир неча моддалар бўйича айблов эълон қилиниши кутилмоқда.
Икки маҳбус - Ричард Мэтт ва Дэвид Суэт 6 июнь, шанба кунига ўтар кечаси қатъий тартибдаги қамоқхонадан қочиб чиқишга муваффақ бўлишган.
Изоҳ (0)