AQSH 2014-yil yakunlariga ko‘ra neft qazib olish bo‘yicha jahondagi eng yetakchi mamlakatga aylandi. Britaniyaning BP neft-gaz korporatsiyasi yillik tadqiqoti ma’lumotlariga ko‘ra, AQSH 2014-yilda neft qazib chiqarishni 16 foizga oshirib, bir kecha-kunduzda o‘rtacha 11,6 million barrel neft qazib olgan.
Amerikaliklar mazkur ko‘rsatkich bo‘yicha Saudiya Arabistoni (kuniga 11,5 million barrel) va Rossiyani (10,8 million barrel) ortda qoldirdi. Ushbu mamlakatlarda neft qazib olish hajmi mos ravishda 0,9 foiz va 0,6 foizga o‘sdi.
AQSH neft qazib olish hajmi bo‘yicha 1975-yildan beri birinchi marta birinchi o‘ringa chiqib oldi. Ayni vaqtda, AQSH neft iste’moli bo‘yicha jahon birinchiligini ham o‘zida saqlab qoldi. Mamlakat 2014-yil davomida kuniga 19 million barreldan neft iste’mol qildi. Bu borada undan keyingi o‘rinlarni Xitoy va Yaponiya egalladi.
Izoh (0)