АҚШ 2014 йил якунларига кўра нефть қазиб олиш бўйича жаҳондаги энг етакчи мамлакатга айланди. Британиянинг BP нефть-газ корпорацияси йиллик тадқиқоти маълумотларига кўра, АҚШ 2014 йилда нефть қазиб чиқаришни 16 фоизга ошириб, бир кеча-кундузда ўртача 11,6 миллион баррель нефть қазиб олган.
Америкаликлар мазкур кўрсаткич бўйича Саудия Арабистони (кунига 11,5 миллион баррель) ва Россияни (10,8 миллион баррель) ортда қолдирди. Ушбу мамлакатларда нефть қазиб олиш ҳажми мос равишда 0,9 фоиз ва 0,6 фоизга ўсди.
АҚШ нефть қазиб олиш ҳажми бўйича 1975 йилдан бери биринчи марта биринчи ўринга чиқиб олди. Айни вақтда, АҚШ нефть истеъмоли бўйича жаҳон биринчилигини ҳам ўзида сақлаб қолди. Мамлакат 2014 йил давомида кунига 19 миллион баррелдан нефть истеъмол қилди. Бу борада ундан кейинги ўринларни Хитой ва Япония эгаллади.
Изоҳ (0)