AQSh davlat kotibi Jon Kerri o‘zining singan oyog‘i qanday ko‘rinishda ekanligini namoyish qildi. Bostondagi shifoxona palatasida olingan surat Twitter tarmog‘iga joylashtirildi, deb xabar beradi “Nur.kz”.
“Operatsiyadan bir hafta o‘tganidan keyin o‘zimni yaxshi his qilyapman. Syuzan Rayz (AQSh milliy xavfsizlik xizmati maslahatchisi) va davlat departamentining yuqori martabali vakillari bilan gaplashib oldim. Ish davom etmoqda!”, — deb Kerri surat ostiga izoh qoldirdi.
Rasmda davlat kotibining shifoxonada ishsiz qolib ketmayotganiga guvoh bo‘lish mumkin. Kerrining tizzasida hujjatlar turibdi, siyosatchining o‘zi esa telefonda suhbat quryapti. Shu bilan birga uning stolida tashqi olam bilan aloqa uchun bir qancha gadjetlar borligini ko‘rish mumkin. Davlat kotibi joylashgan Boston kasalxonasi palatasi ko‘proq ish kabinetini eslatib yubormoqda.
Eslatib o‘tamiz, 31-may kuni Jon Kerri Fransiyaning Syonze shahri yaqinida Tur de Frans yo‘nalishi bo‘yicha turneda velosipeddan yiqilgan va vertolyotda Jenevadagi kasalxonalardan biriga yetkazilgan edi. Shundan so‘ng Kerri Madrid va Parijga tashrifini bekor qilib, davolanishga AQShga qaytib ketdi.
Iyun oyi boshida esa uning singan oyog‘i operatsiya qilindi.
Izoh (0)