Kreml AQShning Yevropaga raketa joylashtirish bo‘yicha rejalarini diqqat bilan o‘rganib bormoqda va bu kabi loyihalar jahondagi keskinlikni oshiradi, deb hisoblaydi. Bu haqda “TASS” xabar bermoqda.
“Ha, bu masala og‘zaki muhokama qilinmoqda. Bu kabi keskinlikni oshirish yo‘lidagi harakatlar hech kimning manfaatlariga to‘g‘ri kelmaydi”, - dedi Rossiya prezidenti matbuot kotibi Dmitriy Peskov.
U shu yo‘l bilan Buyuk Britaniya tashqi ishlar vaziri Filipp Xammondning fikrlariga munosabat bildirdi. Avvalroq britaniyalik vazir AQShning yadroviy kallaklari o‘rnatilgan raketalar mamlakat hududiga joylashtirilishi mumkinligini aytib o‘tgandi.
“So‘zsiz, bu mavzu o‘zaro ishonch va manfaatlar muvozanati darajasi oshishiga ko‘mak bermaydi”, - dedi Kreml vakili. Peskovning so‘zlariga ko‘ra, Xammondning so‘zlarida “aniqlik yo‘q”.
Izoh (0)