Кремль АҚШнинг Европага ракета жойлаштириш бўйича режаларини диққат билан ўрганиб бормоқда ва бу каби лойиҳалар жаҳондаги кескинликни оширади, деб ҳисоблайди. Бу ҳақда ТАСС хабар бермоқда.
«Ҳа, бу масала оғзаки муҳокама қилинмоқда. Бу каби кескинликни ошириш йўлидаги ҳаракатлар ҳеч кимнинг манфаатларига тўғри келмайди», - деди Россия президенти матбуот котиби Дмитрий Песков.
У шу йўл билан Буюк Британия ташқи ишлар вазири Филипп Хаммонднинг фикрларига муносабат билдирди. Аввалроқ британиялик вазир АҚШнинг ядровий каллаклари ўрнатилган ракеталар мамлакат ҳудудига жойлаштирилиши мумкинлигини айтиб ўтганди.
«Сўзсиз, бу мавзу ўзаро ишонч ва манфаатлар мувозанати даражаси ошишига кўмак бермайди», - деди Кремль вакили. Песковнинг сўзларига кўра, Хаммонднинг сўзларида «аниқлик йўқ».
Изоҳ (0)