Panjalari bilan temir chelakni pachoqlovchi Rojer laqabli kenguru internet yulduziga aylandi. Bu haqda Avstraliyaning Alis-Springs qo‘riqxonasi matbuot xizmati xabar bermoqda.
“Jahon bo‘ylab millionlab muxlislarimga salomlar bo‘lsin! Nega buncha shov-shuv? Aslida odamlar ham mendek emasmi?”, - dedi qo‘riqxona xodimlaridan biri taniqli kenguru nomidan.
Chelakni pachoqlagani tasvirlangan kenguruning original surati 21-may kuni internetga joylashtirilgan va shundan so‘ng ijtimoiy tarmoqlar va OAVda keng tarqalib ketgandi.
“Rojerning sevimli mashg‘uloti – o‘zining ovqati solinadigan metall chelakni pachoqlash. Meni majaqlagandan ko‘ra shu chelakni rasvo qilgani ham ma’qul”, - deya hazillashdi qo‘riqxona xodimi.
Izoh (0)