Панжалари билан темир челакни пачоқловчи Рожер лақабли кенгуру интернет юлдузига айланди. Бу ҳақда Австралиянинг Алис-Спрингс қўриқхонаси матбуот хизмати хабар бермоқда.
«Жаҳон бўйлаб миллионлаб мухлисларимга саломлар бўлсин! Нега бунча шов-шув? Аслида одамлар ҳам мендек эмасми?», - деди қўриқхона ходимларидан бири таниқли кенгуру номидан.
Челакни пачоқлагани тасвирланган кенгурунинг оригинал сурати 21 май куни интернетга жойлаштирилган ва шундан сўнг ижтимоий тармоқлар ва ОАВда кенг тарқалиб кетганди.
«Рожернинг севимли машғулоти – ўзининг овқати солинадиган металл челакни пачоқлаш. Мени мажақлагандан кўра шу челакни расво қилгани ҳам маъқул», - дея ҳазиллашди қўриқхона ходими.
Изоҳ (0)