Meksikaning Gerrero shtatida yirik federal saylovlar arafasida o‘z-o‘zini mudofaa qilish bo‘linmalari o‘rtasidagi to‘qnashuv natijasida 13 kishi halok bo‘ldi. Bu haqda Kommersant.ru xabar bermoqda.
Armiya va politsiya bo‘linmalari voqea yuz berganidan bir necha soat o‘tib hodisa joyiga yetib kelgan, qayd etishlaricha, federal kuchlarning katta qismi 7-iyunga belgilangan federal saylovlar xavfsizligini ta’minlashga safarbar etilgan edi. Mazkur saylovlar yakuni bo‘yicha Meksika kongressining yangi tarkibi ham tasdiqlanishi kutilmoqda.
Ma’lumot uchun, 2014-yil sentyabrida shtat hududida 43 nafar talaba bedarak yo‘qolib qolganidan so‘ng, mahalliy aholining o‘z-o‘zini mudofaa qilish bo‘linmalarini tashkil etish tashabbusi ilgari surilgandi. Taxminlarga ko‘ra, mazkur talabalar mahalliy narkokartellar tomonidan o‘g‘irlangan, so‘ng yo‘q qilingan.
Izoh (0)