Мексиканинг Герреро штатида йирик федерал сайловлар арафасида ўз-ўзини мудофаа қилиш бўлинмалари ўртасидаги тўқнашув натижасида 13 киши ҳалок бўлди. Бу ҳақда Kommersant.ru хабар бермоқда.
Армия ва полиция бўлинмалари воқеа юз берганидан бир неча соат ўтиб ҳодиса жойига етиб келган, қайд этишларича, федерал кучларнинг катта қисми 7 июнга белгиланган федерал сайловлар хавфсизлигини таъминлашга сафарбар этилган эди. Мазкур сайловлар якуни бўйича Мексика конгрессининг янги таркиби ҳам тасдиқланиши кутилмоқда.
Маълумот учун, 2014 йил сентябрида штат ҳудудида 43 нафар талаба бедарак йўқолиб қолганидан сўнг, маҳаллий аҳолининг ўз-ўзини мудофаа қилиш бўлинмаларини ташкил этиш ташаббуси илгари сурилганди. Тахминларга кўра, мазкур талабалар маҳаллий наркокартеллар томонидан ўғирланган, сўнг йўқ қилинган.
Изоҳ (0)