ФИФАнинг аудит бўйича комиссияси раиси Доменико Скаланинг маълум қилишича, агар футбол бўйича жаҳон чемпионати мезбонлигини қўлга киритиш вақтида Россия ва Қатар томонидан жиддий қоидабузарликлар йўл қўйилгани аниқланса, у ҳолда ЖЧ-2018 ва ЖЧ-2022 мезбонлиги бошқа мамлакатларга топширилиши мумкин. Бу ҳақда Gazeta.ru хабар бермоқда.
«Агар Қатар ва Россия футбол бўйича жаҳон чемпионати мезбонлигини овозларни сотиб олиш орқали қўлга киритгани исботланса, у ҳолда жаҳон биринчилиги мезбонларини аниқлаш бўйича овоз беришлар натижаси ҳақиқий эмас, деб топилади», - деди Скала.
Аввалроқ АҚШ Федерал тергов бюроси Россия ва Қатарнинг мос равишда ЖЧ-2018 ва ЖЧ-2022 мезбони этиб танланиши юзасидан тергов ҳаракатларини олиб бориши ҳақида хабар берилган эди.
2 июнь куни ФИФА раҳбари Йозеф Блаттер ўз лавозимини тарк этишини эълон қилди. Скала ФИФАнинг янги президенти сайлови устидан назорат ўрнатади.
Изоҳ (0)