Puerto-rikolik bokschi Migel Kotto WBC tanlovi bo‘yicha 72,6 kilogrammgacha bo‘lgan vaznda jahon chempioni unvonini o‘zida saqlab qoldi. “TASS” xabariga ko‘ra, u avstraliyalik Denil Gilga qarshi Nyu-Yorkda bo‘lib o‘tgan 12 raundlik jangning 4-raundidayoq raqibini nokautga uchratdi.
Bu Kottoning professional ringdagi 40-g‘alabasi bo‘ldi (shundan 33tasi nokaut bilan g‘alaba qozongan), shuningdek, u to‘rt marta mag‘lub bo‘lgan. Bu jang bir yil avval argentinalik Serxio Martines ustidan qozonilgan g‘alabadan keyingi ilk jang bo‘ldi – Kotto o‘shanda jahon chempioni kamarini qo‘lga kiritgandi.
Gil bilan o‘tkazilgan jang uchun Kotto 17 million dollarga yaqin mukofot puli oldi. Roc Nation promouterlik kompaniyasi bilan imzolangan kelishuvga asosan, u yana ikkita jang o‘tkazishi va umumiy hisobda 50 million dollar miqdorida mukofot puli olishi kerak.
Kotto keyingi jangni meksikalik Saul Alvaresga qarshi o‘tkazishi mumkin.
Izoh (0)