O‘zbekiston Musulmonlari idorasi sayti yangi dizaynga ega bo‘ldi

O‘zbekiston Musulmonlari idorasining www.muslim.uz sayti internet portaliga aylantirilib, yangi dizaynda ishga tushdi, deb xabar qiladi “Qadriyat.uz”.

Yangi islomiy portal o‘zbek (kirill va lotinda), rus, ingliz va arab tillarida bo‘lishi rejalashtirilgan.

Muslim.uz portali tarkibida Qur’oni karim (quron.muslim.uz), hadisi sharif (hadis.muslim.uz), aqoid masalalari (aqida.muslim.uz), fiqh (fiqh.muslim.uz), ma’rifiy kitoblar (kitoblar.muslim.uz), media (media.muslim.uz), O‘MI faoliyati (idora.muslim.uz), masjidlar (masjid.muslim.uz), madrasalar, islomiy o‘quv yurtlari (madrasalar.muslim.uz), ziyoratgohlar (ziyoratgoh.muslim.uz), Usmon Qur’oni muzeyi (muzey.muslim.uz), savol va javoblar (savollar.muslim.uz) alohida sayt-sahifa ko‘rinishida bo‘ladi.

www.uz ma’lumotlariga ko‘ra, muslim.uz saytiga kuniga 1000 ga yaqin foydalanuvchi tashrif buyuradi.