Italiya bosh vaziri Matteo Rentsi dushanba kuni oldindan rejalashtirilmagan tashrif bilan Afg‘onistonga keldi. “RIA Novosti” xabariga ko‘ra, Afg‘onistondagi italiyalik harbiylar bilan uchrashgan Rentsi ulardan yana bir necha oy shu yerda qolishni so‘radi.
Rentsi Hirot viloyatiga joylashtirilgan Italiya harbiy kontingenti askar va zobitlarini mamlakat milliy bayrami – 2-iyunda nishonlanadigan Italiya Respublikasi kuni bilan tabriklash maqsadida Afg‘onistonga keldi. Xavfsizlik nuqtai nazaridan bosh vazirning tashrifi haqida oldindan xabar berilmadi.
Rentsining harbiy xizmatchilar oldida qilgan chiqishi RaiNews24 telekanali orqali jonli efirda namoyish etildi. Telekanal boshlovchisi Rensining nutqidan so‘ng hozirgi vaqtda Hirotda 600 nafar italiyalik harbiy borligini ma’lum qildi.
Tashrif doirasida Rentsi Afg‘oniston prezidenti Ashraf G‘ani bilan ham uchrashishi rejalashtirilgan.
Izoh (0)