Turkiya prezidenti Rajab Toyyib Erdo‘g‘on muxolifatchi Xalq-respublika partiyasi yetakchisi Kamol Qilichdoro‘g‘li prezident saroyida tilladan yasalgan hojatxonani topsa, iste’foga chiqishga tayyorligini ma’lum qildi, deb yozadi “RIA Novosti”.
Avvalroq Qilichdoro‘g‘li Turkiya parlamentiga saylovlar bo‘yicha saylovoldi kampaniyasi chog‘ida Turkiyadagi hukmron Adolat va taraqqiyot partiyasi “dunyoda tilla hojatxonalar bo‘yicha birinchi o‘rinni egallashi”ni ta’kidlagan edi.
“Siyosat adolatli bo‘lishi kerak. XRP raisi tilla hojatxonalar haqida gapirdimi, endi prezident saroyiga kelib, ko‘rsin. Agar u tilla hojatxonani topsa, men iste’foga chiqaman. Topmasa-chi, o‘zi ketarmikan? Men kotibga buyruq beraman, uni saroyga kiritishadi va hamma narsani ko‘rsatishadi”, — dedi Erdo‘g‘on TRT telekanaliga bergan intervyusida.
Izoh (0)