Yaponiyada 700 kilogrammlik varrak 200 metr balandlikdan olomonning ustiga qulab tushdi, deb xabar qiladi “Vesti.ru”. Varraklar festivalida qatnashayotganlardan 4 kishi jabrlandi.
Hodisa 31-may kuni sodir bo‘ldi. Jabrlangan 4 kishidan biri 7 yoshli bola, yana biri esa 73 yoshli erkak. Qariya shifoxonada hushsiz yotibdi.
The Japan Times bergan xabarga ko‘ra, Siga prefekturasida varraklar festivali har yili o‘tkazib kelinadi. Mahalliy sinoptiklar bu yil hududda kuchli shamol bo‘lganligini xabar qildi. Aftidan shu sababli o‘lchami 13 ga 12 bo‘lgan varrak qulab tushgan. Politsiya bu ish bo‘yicha surishtiruv ishlarini boshladi.
Izoh (0)