Италия бош вазири Маттео Ренци душанба куни олдиндан режалаштирилмаган ташриф билан Афғонистонга келди. «РИА Новости» хабарига кўра, Афғонистондаги италиялик ҳарбийлар билан учрашган Ренци улардан яна бир неча ой шу ерда қолишни сўради.
Ренци Ҳирот вилоятига жойлаштирилган Италия ҳарбий контингенти аскар ва зобитларини мамлакат миллий байрами – 2 июнда нишонланадиган Италия Республикаси куни билан табриклаш мақсадида Афғонистонга келди. Хавфсизлик нуқтаи назаридан бош вазирнинг ташрифи ҳақида олдиндан хабар берилмади.
Ренцининг ҳарбий хизматчилар олдида қилган чиқиши RaiNews24 телеканали орқали жонли эфирда намойиш этилди. Телеканал бошловчиси Ренсининг нутқидан сўнг ҳозирги вақтда Ҳиротда 600 нафар италиялик ҳарбий борлигини маълум қилди.
Ташриф доирасида Ренци Афғонистон президенти Ашраф Ғани билан ҳам учрашиши режалаштирилган.
Изоҳ (0)