Hindiston shimolidagi Uttar-Pradesh shtati hukumati Nestle kompaniyasining tez tayyor bo‘ladigan makaron mahsulotlarida ko‘p miqdorda qo‘rg‘oshin borligini aniqlagach, ushbu kompaniyani sudga berdi, deya xabar bermoqda “Vedomosti”.
Hindiston oziq-ovqat mahsulotlari va dori-darmonlar nazorati bo‘yicha boshqarmasi vakillari mart oyidayoq rejali tekshiruvlar chog‘ida Maggi savdo belgisi ostida chiqariladigan mahsulotlar tarkibida qo‘rg‘oshinni aniqlagan edi. Nestle kompaniyasining Hindistondagi tuzilmasi ayblovlarni rad etib, mahsulotlarini o‘zi qayta tahlil qilishini ma’lum qilgan edi.
Shunga qaramay, Nestle vakillari ular iyulda sudga kelishi kerakligidan xabardor qilindi.
Nestle’ning butun dunyo bo‘ylab 460 ta fabrikasi bor. Kompaniya portfeli o‘z ichiga Nestle, Nescafe, KitKat, Gerber, Maggi va boshqa brendlarni oladi.
Izoh (0)