Amerikalik politsiyachilar yil boshidan beri qariyb 400 kishini otib o‘ldirishdi. Bu haqda Echo.msk.ru xabar bermoqda.
Washington Post’ning yozishicha, AQSHda har kuni o‘rtacha 2 kishi politsiyachilar qo‘lida jon bergan. Ularning deyarli yarmini oq tanlilar, qolganini irqiy va milliy ozchilik vakillari tashkil etadi. Halok bo‘lganlarning 100 nafari qora tanli amerikaliklardir.
Tadqiqotda qayd etilishicha, halok bo‘lganlarning ko‘pchiligi qotillikka sabab bo‘lishi mumkin bo‘lgan buyumlar bilan qurollangan bo‘lgan. Bunda gap to‘pponchalar haqida bormoqda, shuningdek, ularda pichoqlar va xanjarlar ham bo‘lgan.
Ayni vaqtda, qurbonlarning 13 nafari qo‘lida o‘yinchoq to‘pponcha bo‘lgan. Gazetaning qayd etishicha, tadqiqot mualliflari keltirayotgan raqamlar rasmiy statistik ma’lumotlardan farq qiladi.
Bu holat esa joylardagi politsiyachilar oxiri o‘lim bilan tugagan har bir otishma haqida federal organlarga hisobot berishi shart emasligi bilan bog‘liq.
Izoh (0)