Tailandning Pattani viloyatida ikkita bomba portladi. Bu haqda Bangkok Post xabar bermoqda.
Birinchi portlash 30-may, shanba kuni mahalliy vaqt bilan 22:10da yuz berdi. Harbiylar ketayotgan yuk mashinasi minani bosishi natijasida 21-26 yosh oralig‘idagi yetti kishi jabrlandi.
Yarim tunda esa dastlabki hodisa yuz bergan joy yaqinida ikkinchi portlash yuz berdi, bu vaqtda hududga portlovchi uskunalar bo‘yicha mutaxassislar yetib kelgandi. Hodisa natijasida to‘rt kishi jabrlandi, bir kishi halok bo‘ldi.
Yuz bergan hodisa sabablarini aniqlash bo‘yicha surishtiruv harakatlari olib borilmoqda.
Izoh (0)