Fransiya poytaxti Parij shahrida tennis bo‘yicha “Katta Dubulg‘a” turkumiga kiruvchi, yilning to‘rtta yirik turniridan ikkinchisi hisoblangan “Rolan Garros” musobaqasi o‘zining qizg‘in pallasiga kirdi, deb xabar qiladi “Olamsport.com”.
Mukofot jamg‘armasi 28 million yevroni tashkil etuvchi Fransiya Ochiq chempionatining juftliklar musobaqasida o‘z imkoniyatini sinovdan o‘tkazayotgan o‘zbekistonlik Denis Istomin mag‘lubiyatga uchrab, “Rolan Garros”dagi ishtirokini yakunladi.
Istomin ikkinchi davra bahsida qozog‘istonlik Andrey Golubev bilan birga fransiyalik tennischilar – Nikolas Mayu hamda Per-Yug Erberga 4:6, 7:6, 6:7 hisobida imkoniyatni boy berib qo‘ydi.
Eslatib o‘tamiz, Istomin va Golubev ilk davrada yana bir qozog‘istonlik tennischi Mixail Kukushkin va shvetsiyalik Yuxan Brunstryomni 7:6, 6:4 hisobida taslim etgan edi.
Denis yakkalik bahslarining ilk davrasida avstraliyalik Nik Kirgiosga imkoniyatni boy bergandi.
Izoh (0)