Urugvay professional futbolchilar uyushmasi Xalqaro futbol assotsiatsiyalari federatsiyasi (FIFA)dan Ispaniyaning “Barselona” futbol klubi va Urugvay milliy terma jamoasi hujumchisi Luis Suaresning diskvalifikatsiyasini bekor qilishni talab qildi. Bu haqda “TASS” xabar bermoqda.
“FIFA amaldorlari korrupsiyada gumon qilinayotgan ekan, biz Luis Suaresning diskvalifikatsiyasi bekor qilinishini talab qilamiz”, - deyiladi uyushma bayonotida.
Xabarda qayd etilishicha, korrupsiya va firibgarlik ishlari bo‘yicha hibsga olingan FIFA amaldorlari orasida Suaresni diskvalifikatsiya qilish haqidagi qarorni qabul qilganlar ham bor.
Suares 2014-yilgi jahon chempionati vaqtida Italiya termasi himoyachisi Jorjo Kyellinini tishlab olgani uchun Urugvay terma jamoasining to‘qqiz uchrashuvidan chetlatilgan edi.
Ma’lumot uchun, Urugvay terma jamoasi 2015-yilning 11-iyun – 4-iyul kunlari Chilida bo‘lib o‘tadigan Amerika Kubogi bahslarida ishtirok etadi.
Izoh (0)