Osiyo futbol Konfederatsiyasi FIFAning amaldagi rahbari Zepp Blatterni to‘liq qo‘llab-quvvatlaydi hamda prezidentlik saylovlari boshqa kunga ko‘chirilishiga qarshi chiqdi, deb xabar qiladi “Uff.uz”.
OFKning bayonotida tashkilot Syurixda bo‘lib o‘tgan ko‘ngilsizliklar – FIFA rasmiylari hibsga olinishidan tashvishda ekanini ma’lum qilgan. Avvalroq UEFA tashkiloti yuzaga kelgan mojaro tufayli FIFA prezidentligi saylovini boshqa kunga ko‘chirish borasida taklif bilan chiqqandi.
Eslatib o‘tamiz, FIFA prezidentligi uchun saylov 29-may kuniga belgilangan bo‘lib, hozirda ikki nomzod – Zepp Blatter va Iordaniya shahzodasi Ali bin Al-Hussaynlar bu lavozimga da’vogarlik qilmoqda.
Izoh (0)