Уругвай профессионал футболчилар уюшмаси Халқаро футбол ассоциациялари федерацияси (ФИФА)дан Испаниянинг «Барселона» футбол клуби ва Уругвай миллий терма жамоаси ҳужумчиси Луис Суареснинг дисквалификациясини бекор қилишни талаб қилди. Бу ҳақда ТАСС хабар бермоқда.
«ФИФА амалдорлари коррупцияда гумон қилинаётган экан, биз Луис Суареснинг дисквалификацияси бекор қилинишини талаб қиламиз», - дейилади уюшма баёнотида.
Хабарда қайд этилишича, коррупция ва фирибгарлик ишлари бўйича ҳибсга олинган ФИФА амалдорлари орасида Суаресни дисквалификация қилиш ҳақидаги қарорни қабул қилганлар ҳам бор.
Суарес 2014 йилги жаҳон чемпионати вақтида Италия термаси ҳимоячиси Жоржо Келлинини тишлаб олгани учун Уругвай терма жамоасининг тўққиз учрашувидан четлатилган эди.
Маълумот учун, Уругвай терма жамоаси 2015 йилнинг 11 июнь – 4 июль кунлари Чилида бўлиб ўтадиган Америка Кубоги баҳсларида иштирок этади.
Изоҳ (0)