Россия президентининг коррупцияга қарши кураш бошқармаси раҳбари Олег Плохой Хитой ҳукуматининг мамлакат амалдорларини собиқ ҳамкасблари жазони ўтаётган қамоқхоналарга сайрга олиб бориш амалиётини қўллаб-қувватлади. Бу ҳақда RBC.ru хабар бермоқда.
«Ўйлашимча, бу етарли даражада самарали профилактика чорасидир», - деди Плохой Санкт-Петербургда бўлиб ўтган халқаро юридик форумда.
Айни вақтда, Олег Плохой Россияда ҳам шундай чоралар жорий этилиши эҳтимолига аниқлик киритмади.
«РИА Новости»нинг Хитой Адлия вазири Хан Хенлинга асосланиб хабар беришича, ўтган бир йил давомида бутун Хитой бўйлаб 26 мингдан ортиқ амалдор коррупция ва порахўрликда айбланиб, судланган.
Изоҳ (0)