Isroil harbiy havo kuchlari mamlakatning janubiga qilingan hujum uchun 27-mayga o‘tar kechasi G‘azo sektoriga bir necha zarbalar berdi, deb xabar qiladi “RIA Novosti”.
Oldinroq isroillik harbiylar falastinlik jangarilar G‘azo sektoridan Isroilning janubiga kamida bitta raketa uchirganini xabar qilgandi. Dastlabki ma’lumotlarga ko‘ra, raketa hujumidan hech kim jabrlanmagan. Bu hujum 2015-yil boshidan beri ikkinchisi bo‘ldi. Avvalgi raketa hujumiga Isroil aviatsiya va artilleriya zarbalari bilan javob qaytargandi.
Eronning Press TV telekanali bergan xabarga ko‘ra, aviazarbalar Rafaxdagi Nuseyrat qochoqlar lageri va Xan-Yunis shahriga berilgan. Qurbon bo‘lganlar va yaralanganlar haqida ma’lumot yo‘q.
Izoh (0)