Argentinaning “Atletiko Parana” jamoasi futbolchisi Kristian Gomes o‘yin vaqtida vafot etdi, deb xabar qiladi “Championat.com”.
Hodisa Argentina ikkinchi divizionidagi “Atletiko Parana” hamda “Boka Unidos” jamoalari o‘rtasidagi uchrashuv vaqtida sodir bo‘ldi. 27 yoshli Gomes maysaga yiqilib, hushini yo‘qotdi. U darhol kasalxonaga olib ketildi, ammo futbolchi hayotini saqlab qolishning imkoni bo‘lmadi.
Argentina matbuoti bergan xabarga ko‘ra, futbolchining o‘limiga yurak xuruji sabab bo‘lgan.
May oyi boshida Argentinada yana bir fojiali hodisa sodir bo‘lgandi. O‘shanda “San-Martin de Bursako” o‘yinchisi Emanuel Ortega stadionning beton to‘sig‘iga boshi bilan urilishi natijasida hayotdan ko‘z yumgandi.
Izoh (0)