O‘zbekistonlik kanoechilar Germaniyaning Duysburg shahrida davom etayotgan baydarka va kanoeda eshkak eshish bo‘yicha Jahon kubogi ikkinchi bosqichi birinchi kunida uchta medalni qo‘lga kiritishdi. Bu haqda 12news.uz xabar bermoqda.
Erkaklar o‘rtasidagi bahslarda o‘zbekistonlik kanoechilar to‘rtligi 1000 metr masofani 3.29,254 natija bilan ortda qoldirib, marraga birinchi bo‘lib yetib keldi va Jahon kubogi bosqichi g‘olbiga aylandi. Kuchli uchlikdan Ukraina va Meksika joy oldi.
Ayollar o‘rtasidagi yakkalik bahslarida kanoechi Dilnoza Rahmatova 500 metr masofani 2.16,776 ko‘rsatkich bilan ortda qoldirdi va ikkinchi bo‘ldi. Uning Nilufar Zokirova bilan tashkil etgan dueti esa 200 metr masofaga poygalarda uchinchi bo‘ldi.
Shunday qilib, O‘zbekiston terma jamoasi hozircha bitta oltin, bitta kumush va bitta bronza medalni o‘z hisobiga yozib qo‘ydi.
Izoh (0)