Italiya sobiq bosh vaziri Silvio Berluskoni Instagram’da o‘z sahifasini ochdi. Bu haqda The Daily Mail xabar bermoqda.
Ushbu xabar yozilayotgan vaqtda @SilvioBerlusconi2015 akkaunti obunachilari soni 16 mingdan oshib ketgandi.
78 yoshli Berluskoni Instagram’dan foydalanishni boshlaganiga uch kun bo‘ldi. Bu vaqt oralig‘ida u 70ga yaqin suratlarni e’lon qilishga ulgurdi. Ushbu suratlarda uning ish faoliyati va shaxsiy hayoti o‘rin olgan.
Italiya sobiq bosh vaziri o‘z o‘quvchilariga Rimdagi Palazzo Grazioni villasini, 29 yoshli dugonasi Francheska Paskaleni, pudel turiga mansub sevimli itini va yaqinda tanovul qilgan ovqatlarning suratlarini namoyish etdi.
Ma’lumot uchun, Silvio Berluskoni to‘rt marta Italiya bosh vaziri lavozimini egallagan. Shuningdek, u mamlakatning eng badavlat odamlaridan biri hisoblanadi.
Izoh (0)