Италия собиқ бош вазири Силвио Берлускони Instagram’да ўз саҳифасини очди. Бу ҳақда The Daily Mail хабар бермоқда.
Ушбу хабар ёзилаётган вақтда @SilvioBerlusconi2015 аккаунти обуначилари сони 16 мингдан ошиб кетганди.
78 ёшли Берлускони Instagram’дан фойдаланишни бошлаганига уч кун бўлди. Бу вақт оралиғида у 70га яқин суратларни эълон қилишга улгурди. Ушбу суратларда унинг иш фаолияти ва шахсий ҳаёти ўрин олган.
Италия собиқ бош вазири ўз ўқувчиларига Римдаги Palazzo Grazioni вилласини, 29 ёшли дугонаси Франческа Паскалени, пудел турига мансуб севимли итини ва яқинда тановул қилган овқатларнинг суратларини намойиш этди.
Маълумот учун, Силвио Берлускони тўрт марта Италия бош вазири лавозимини эгаллаган. Шунингдек, у мамлакатнинг энг бадавлат одамларидан бири ҳисобланади.
Изоҳ (0)