O‘zbekistonlik professional bokschi Bahodir Mamajonov Las-Vegasdagi The D Hotel & Casino arenasida IBF Inter-Continental chempionlik kamari uchun ganalik Richard Kommeyga qarshi ringga chiqadi. UZ24 xabariga ko‘ra, jang 12 raundga mo‘ljallangan.
Richard Kommey faoliyati davomida 21 jang o‘tkazgan bo‘lib, ularning barchasida g‘alaba qozongan, nokautlar soni 19ta. Kommey IBF yo‘nalishida Afrika qit’asi chempioni hisoblanadi.
Uch yildan beri Texasda murabbiy Ken Richardson qo‘l ostida shug‘ullanayotgan Bahodir Mamajonov shu vaqtgacha 18 jang o‘tkazib, shulardan 17tasida zafar quchgan (11ta jangda nokaut bilan yutgan). Faqat bir marotaba mag‘lubiyat alamini totib ko‘rgan.
Izoh (0)