2016-yilgi Paralimpiya o‘yinlariga yo‘llanma olgan o‘zbekistonlik sportchilar soni 21 kishiga yetdi

Joriy yilning 10—17-may kunlari mobaynida Koreyaning Seul shahrida bo‘lib o‘tgan Jahon o‘yinlari va Chempionatida paralimpiyachi sportchilar muvaffaqiyatli ishtirok etgan edi. 2015-yil yo‘llanma beruvchi va reyting ochkolari o‘ynaladigan Paralimpiya xalqaro musobaqalari hamda yuqorida qayd etilgan turnir xulosalariga asosan, O‘zbekiston Milliy paralimpiya assotsiatsiyasi yana ikkita yo‘llanmani qo‘lga kiritdi. Bu haqda Assotsiatsiya matbuot xizmati xabar bermoqda.

Ushbu yo‘llanmalar suzish sporti va yengil atletika bo‘yicha berildi.

Paralimpiya terma jamoasida shu kunga kelib 2016-yil Braziliyaning Rio-de-Janeyro shahrida bo‘lib o‘tadigan XV Paralimpiya o‘yinlariga dzyudodan 8 ta, yengil atletikadan 9 ta, suzishdan 3 ta va o‘q otish sportidan 1 ta — jami 21 ta yo‘llanma taxt qilib qo‘yilgan.