Жорий йилнинг 10—17 май кунлари мобайнида Кореянинг Сеул шаҳрида бўлиб ўтган Жаҳон ўйинлари ва Чемпионатида паралимпиячи спортчилар муваффақиятли иштирок этган эди. 2015 йил йўлланма берувчи ва рейтинг очколари ўйналадиган Паралимпия халқаро мусобақалари ҳамда юқорида қайд этилган турнир хулосаларига асосан, Ўзбекистон Миллий паралимпия ассоциацияси яна иккита йўлланмани қўлга киритди. Бу ҳақда Ассоциация матбуот хизмати хабар бермоқда.
Ушбу йўлланмалар сузиш спорти ва енгил атлетика бўйича берилди.
Паралимпия терма жамоасида шу кунга келиб 2016 йил Бразилиянинг Рио-де-Жанейро шаҳрида бўлиб ўтадиган XV Паралимпия ўйинларига дзюдодан 8 та, енгил атлетикадан 9 та, сузишдан 3 та ва ўқ отиш спортидан 1 та — жами 21 та йўлланма тахт қилиб қўйилган.
Изоҳ (0)