Angliyaning “Liverpul” futbol klubi sardori Stiven Jerrard 16-may, shanba kuni “Kristal Pelas”ga qarshi 90 daqiqa o‘ynab, “Enfild Roud”dagi o‘zining so‘nggi o‘yinini o‘tkazdi, deya xabar bermoqda Korrespondent.net.
1:2 hisobida “Liverpul”ning mag‘lubiyati bilan yakuniga yetgan o‘yindan so‘ng Stiven Jerrard mersisaydliklarning ishqibozlari bilan xayrlashdi.
“Men juda g‘alati hissiyotlarni boshdan o‘tkazyapman. Shu kun kelishidan juda qo‘rqqandim, ichim xuddi bo‘shab qolgandek, chunki endi sizning qarshingizda to‘p sura olmayman”, - dedi Jerrard.
“Klub ishonchli qo‘llarda, bizning ajoyib rahbarlarimiz va a’lo darajadagi murabbiyimiz bor. Jamoa aqlbovar qilmas salohiyatga ega. Jamoa yaqin vaqt ichida yangi o‘yinchilarni sotib oladi, deb o‘ylayman. Klubga kelajakda faqat omad tilayman”, - dedi u.
“So‘nggi 17 yil davomida men bilan birga ishlagan klubning barcha xodimlariga, xususan, “Liverpul” safida o‘ynagan sobiq o‘yinchilarga ham minnatdorchilik bildiraman. Eng katta tashakkurlarimni esa ishqibozlarga aytishni istardim – men jahonning ko‘plab maydonlarida to‘p surdim, lekin siz hammasidan ham yaxshisiz”, - deya qo‘shimcha qildi Stiven Jerrard o‘zining xayrlashuv nutqida.
Izoh (0)